Umurenge wa Ririrma ni umwe mu Mirenge igice kinini cyawo kizubakwamo ikibuga cy’indege mpuzamahanga cya Bugesera. Ibikorwa byo kubaka ikibuga cy'indege mpuzamahanga cya Bugesera byangije imiyoboro y’amazi, Akagari ka Kimaranzara ntikagiraga amazi.

 ku bufatanye n'abafatanyabikorwa n'Akarere by’umwihariko ku bufatanye na Fondazione marcegaglia umushinga ufite ibikorwa by’iterambere mu Murenge wa Ririrma, abaturage bishatsemo ibisubizo biyubakira bimwe mu bikorwa by’amazi meza.

Mu mudugudu wa Kimaranzara  ku Kiyaga cya Kidogo amazi azamurwa na moteri agatunganyirizwa mu bigega aho ijerekani y’amazi meza igurishwa igiceri cya 10Frw. Amazi akomeza azamurwa yagera mu mudugudu wa Gasabo Akagari ka Kimaranzara amazi agatunganywa hakoreshejwe ubuhanga bw’imirasire y’izuba umuturage akayageraho yishyuye igiceri cya 50Frw.

Utundi tugari duherereye mu Murenge wa Ririrma tubona amazi hakoreshejwe uburyo bw’isaranganywa nk’indi Mirenge igize Akarere ka Bugesera.