Umunsi mpuzamahanga wo gukaraba intoki wahuriranye n’uwo gukoresha ubwiherero buboneye ufite insanganyamatsiko igira iti : ‘’Umusarane usukuye,intoki zisukuye,umusingi w’ubuzima bwiza’’.
Kuwa 19 ugushyingo 2018; umunsi mpuzamahanga wo gukaraba intoki no kugira ubwiherero abaturage bo mu murenge wa Gashora bigishijwe uburyo bwiza bwo gukaraba intoki uhereye ku kiganza, ku mitwe y’intoki inyuma ku ntoki no ku gikonjo. byose bigakorwana ubwitonzi usuzuma neza niba impande zose umuntu yazikarabye.
Rutagengwa William Umuyobozi Mukuru ku bitaro by’Akarere bya Nyamata  avuga ko Indwara nyinshi zandura biturutse ku ntoki zidakarabye. Umuyobizi Mukuru Rutagengwa William akomeza akangurira abaturage ko abagize umuryango batagombera gukaraba intoki ari uko babonye kandagira ukarabe. Ati : ‘’Naho itari bagira isuku binyuze mu myumvire no kwitoza gukaraba intoki bigatuma isuku yimakazwa’’.
Imanishimwe Yvette Umuyobozi w’Akarere ka Bugesera wungirije ushinzwe imibereho myiza  mu ijambo rye yasabye abaturage bahawe ubwiherero buboneye kubufata nk’ubwabo, ntibabufate nk’inkunga Ati: ‘’bagomba kubishyiramo imbaraga nkuko biri mu mihigo’’