Amashanyarazi yagejejwe mu Murenge wa Musenyi yabaye imbarutso y’ubucuti bw’ihariye bw’ikigo REG n’abaturage b’umurenge wa Musenyi. Ron Weiss umuyobozi mukuru yibukije imvo n’imvano y’ubwo bucuti bwihariye bw’Umurenge wa Musenyi n’ikigo ayobora.Ron Weiss yabivuze ubwo yatahaga inzu yakozwe ku bufatanye bwa REG n’abaturage kuri uyu wa 14 nzeri 2018 mu murenge wa Musenyi. Ron Weiss umuyobozi mukuru yibukije igikorwa cyo kubakira Ruhangara Etienne, Ati: Igikorwa cyo kubakira Ruhangara Etienne cyavuye mu muganda rusange uzoza ukwezi kwa mbere 2018 ubwo hatangizwaga umuyoboro w’amashanyarazi muri uwo murenge. Muri icyo gikorwa cy’umuganda witabira na Ron Weiss nibwo abaturage bemeje Ruhangara nk’umuturage utishoboye ukwiriye kubakirwa. Mubera Prosper umuvugizi w’ikigo REG yemeza ko umuganda rusange , kubakira abatishoboye n’ibindi, bituma abaturage barushaho kwiyumvamo kurushaho no gusobanukirwa ibikorwa by’ikigo REG’’. Umuyobozi w’Akarere Bwana Mutabazi Richard ati : ‘’ REG yatekereje ibirenze inshingano zabo’’. Mutabazi yashimiye REG ku gitekerezo cyo kujya mu rundi rwego rw’imibereho; bubakira inzu ya miliyoni zirindwi umuturage uri mu cyiciro cya mbere atagiraga aho icumbi.