Nirere Madeleine Umuvunyi Mukuru witabiriye inama mpuzabikorwa ku nsanganyamatsiko "Umuturage ku isonga twese mu mujishi  w'imihigo" asobanura icyo biba bivuze umuturage ari ku isonga. Ati: “Ni umuturage uhabwa serivisi nziza kandi ku gihe”. Yongeyeho ko buri wese nk’intumwa ahagarariye abaturage afite itafari nk’umusanzu mu gufasha kuzuza neza inshingano no kubahiriza aategeko.

Umuvunyi Mukuru akakaba n'Umushyitsi Mukuru muri iyi nama, Madeleine Nirere ati: "Umuturage ku isonga, ni umuturage uhabwa service nziza kandi ku gihe". Yongeyeho ko buri wese nk'intumwa afite umusanzu mu gufasha umuturage kuzuza neza inshingano ze kandi yubahiriza amategeko. Madamu Nirere asaba abayobozi guhidura imyumvire y’abaturage, tubahe servisi nzinza ibyo nibyo bizatuma bakunda ubuyobozi.

Mu bindi byaganireweho muri iyi nama ni imihigo. Umuyobozi w’Intara y’Iburasirazuba CG Emanuel Gasana yibukije ko buri wese ari intumwa mu nshingano dufie yakomeje asaba abitabirye inama ku nzego zose gufasha abaturage gukora byinshi kandi byiza Bizana iminduka ziganisha ku iterambere n’imibereho myiza.

Muri iyi nama yo kungurana ibitekerezo CP Emanuel Hatari Umuyobozi wa Police mu Ntara y'Iburasirazuba yatanze umurongo w’uko umutekano warushaho gucungwa kubufatanye n'abaturage. Ati:"Ibyaha twita bito byacika dufatanyije n'abaturage". CP Hatari yongeyeho ko kugira ijambo mu bo uyobora ari ukubakorera ibyo bashaka.

Umuyobozi w’Akarere ka bugesera Bwana Mutabazi Richard yashimye ibitekerezo n’inama byatanzwe mu nama mpuzabikorwa. Ati : “Iyi nama yongeye kutwibutsa ubukangurambaga ku byo dushinzwe, kuba ibyo dukora byose umuturage agomba kuba ku isonga”.

Iyi nama yo kungurana ibitekerezo, ihuje inzego zihagarariye abaturage kuva ku mudugudu kugeza ku karere yitabiriwe nanone n’Umuyobozi w’Intara y’Iburasirazuba CG Emanuel Gasana n'inzego z’umutekano.